دەزگای خێرخوازیی بارزانی جانتا و پێداویستیی خوێندنی پێشکەشی قوتابییانی نۆ قوتابخانەی بنەڕەتی لە شاری زاخۆ، کرد.
دەزگای خێرخوازیی بارزانی بۆ ئەمساڵی خوێندن، ھاوکاری 50 ھەزار قوتابی لە سەرتاسەری کوردستاندا دەکات، پێداویستییەکانی وەکوو جانتا و قەڵەم و دەفتەر بە مەبەستی ھاندانی زیاتری قوتابییان بۆ درێژەدانییان بە خوێندن بەسەریاندا دابەش دەکات.
ھەر لە ھەمان ڕۆژدا و لە درێژەی ھاوکارییەکانی دەزگای خێرخوازیی بارزانی، 32 قوتابخانەی شارەدێ و گوندەکانی سەر بە قەزای قەرەداغ بەسەر کردەوە، جانتا و پێداویستییەکانی خوێندنی پێشکەشی یەک ھەزار و 120 قوتابی کرد.
ئەم ھاوکارییانە پێداویستیی خوێندنی ساڵێکی قوتابییەکان پڕ دەکاتەوە، کە بریتین لە: جانتا و دەفەتەر و قەڵەم و ...ھتد، مەبەست لێیان پشتگیریی مادیی خێزانی قوتابییەکانە لە قوتابخانەکانی شارەدێ و گوندەکانی قەزای قەرەداغ.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.