جێگری سوپاسالاری وه‌زاره‌تی پێشمه‌رگه رایده‌گه‌ێنێت، كشانه‌وه‌ی هێزه‌كانی پێشمه‌رگه له هه‌ندێك ناوچه‌ی باشووری رۆژئاوای كه‌ركوك، ته‌كتیكییه و ئه‌و ناوچانه‌ش له رووی سه‌ربازییه‌وه هیچ گرنگییه‌كی نییه.
لیوا قاره‌مان كه‌مال، جێگری سوپاسالاری وه‌زاره‌تی پێشمه‌رگه به رۆژنامه‌ی شه‌رقولئه‌وسه‌تی راگه‌یاند: بۆ خۆ دوورگرتن له پێكدادانی سه‌ربازی له نێوان هێزه چه‌كداره‌كانی عێراق و هێزه‌كانی پێشمه‌رگه، هێزه‌كانمان چه‌ند كیلۆمه‌ترێك كشاونه‌ته‌وه بۆ هێلی دووه‌می ناحیه‌ی تازه.
ده‌شڵێ: هاتنی هێزه‌كانی عێراق به‌ره‌و ده‌وروبه‌ری كه‌ركوك ،بۆ ئه‌وه‌یه هێرش بكه‌نه سه‌ر هێزه‌كانی پێشمه‌رگه.
جه‌ختیشده‌كاته‌وه‌و ده‌ڵێ، هێزه‌كانی پێشمه‌رگه ده‌ست پێشخه‌ری بۆ هێرشكردن ناكات،به‌ڵام ئه‌گه‌ر هێرش بكرێته سه‌رمان،وه‌ڵامیان ده‌ده‌ینه‌وه
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.