دواى ئه‌وه‌ى هێزه‌كانى حشدى شه‌عبى چل و هه‌شت كاتژمێریان وه‌ك مۆڵه‌ت به هیزى پێشمه‌رگه دابوو كه سه‌نگه‌ره‌كانیان بۆ چۆڵ بكه‌ن و رێگه‌شیان بۆ واڵا بكه‌ن تا بچنه ناو شارى كه‌ركوك، و كۆنه سه‌ربازگه‌زكانیان راده‌ست بكه‌ن.
سه‌ره‌ڕاى وڵامدانه‌وه‌ى فه‌رمانده‌ى هێزى پێشمه‌رگه‌ى كوردستان بۆ هێزه‌كانى عێراقى كه رێگه‌دان به هاتنه ناوه‌وه‌ى حشدى شه‌عبى بۆ ناو شارى كه‌ركوك مایه‌ى قبوڵكردن نییه و له ئه‌گه‌رى هه‌ر ده‌ستدرێژى و په‌لاماردانێك پێشمه‌رگه بێ ده‌نگ نابێت و به‌و په‌رى هێزه‌وه به‌رپه‌چى هه‌رلایه‌ك ده‌درێته‌وه..
هاوكات شانبه‌شانى هێزه‌كانى پێشمه‌رگه له سنووره‌كانى كه‌ركوك به هه‌زاران گه‌نجو لاوى كوردى كه‌ركوك رژانه سه‌ر شه‌قامه‌كانى كه‌ركوك و ئاماده‌ن به خوێنى خۆیان به‌رگرى له خاك و شارى خۆیان بكه‌ن .
هه‌ر له‌و خۆنیشاندانانه‌ى جه‌ماوه‌رى شارى كه‌ركوك هاوڵاتیان به ده‌یان په‌یامیان بۆ هیزه‌كانى حشدى شه‌عبى و هێزه‌كانى عێراق ناردوو داوایان لێكردوون بیر له ده‌ستدرێژى كردن و په‌لاماردانى كه‌ركوك نه‌كه‌نه‌وه چونكه رێگه‌یان پێناده‌ین و به هه‌موو شێوه‌یه‌ك رووبه روویان ده‌بینه‌وه
کۆمێنت (0)
تا ئێستا هیچ کۆمێنتێک نەکراوە.