بڕی بیست و پێنج ملیار دیناری پارەی گەنمی جووتیارانی پارێزگای دهۆك بۆ ساڵی دووهه‌زار و حه‌ڤده گەیشتووەتە كوردستان و سبەی بەپێی چەكەكان به‌سەر جووتیارانى ئەو پارێزگایە دابەش دەكرێت.
نەوزاد ئەدهەم، بەڕێوەبەری گشتیی بازرگانی لە وەزارەتی بازرگانی و پیشەسازی حكومه‌تی هەرێمی كوردستان رایده‌گه‌یه‌نێت: بڕی بیست و پێنج ملیار دیناری پارەی گەنمی جووتیارانی پارێزگای دهۆك بۆ ساڵی دووهه‌زار و حه‌ڤده گەیشتووەتە كوردستان و سبەی بەپێی چەكەكان به‌سەر جووتیارانى ئەو پارێزگایە دابەش دەكرێت.
بەڕێوەبەری گشتیی بازرگانی ئاماژه به‌وه‌شده‌دات پارەی گەنمی جووتیارانی پارێزگای سلێمانی دابەشكراوە و لە هەولێریش بەپێی كاتی ڕادەستكردنی گەنمەكان پارەكان دەدرێتە جووتیاران.
هاوكات لە كۆی پارەی گەنمی دووهه‌زار و حه‌ڤده‌ی جووتیارانی هه‌رێمی كوردستان چل و حه‌وت ملیار دینار لای بەغدا ماوە و چاوەڕوانی ناردنی دەكەن بۆ ئەوەی دابەشی سەر جووتیارانی بكەن.
لە ساڵی دووهه‌زار و چوارده‌وه تاکو ئێستا بەبڕیارێکی سیاسی حکوومەتی عێراق بەشێکی زۆر لە شایستە داراییەکانی جووتیارانی هه‌رێمی کوردستان بەبیانووی جۆراوجۆر نەدراوە، سەرەڕای ئەوەی لە کاتی خۆیدا بەرهەمەکان وەردەگرێن.
کۆمێنت (0)
تا ئێستا هیچ کۆمێنتێک نەکراوە.