دواى خيانه‌تكردنى به‌شێك له به‌رپرسانى يه‌كێتى نيشتمانى كوردستان و ڕاده‌ستكردنى سه‌نگه‌ره‌كانى پێشمه‌رگه به ميليشياكانى حه‌شدى شه‌عبى، عه‌سائيبى ئه‌هلى حه‌ق، له به‌ياننامه‌يه‌كدا سوپاسى ئه‌و به‌رپرسانه‌ى يه‌كێتى ده‌كات.
میلیشیای عه‌سائيبى (ئه‌هلى حه‌ق)ی سەر بە حەشدی شەعبی لە بەیاننامەیەکدا ڕای گەیاندووە، ستايشى هه‌ڵوێستى به‌رپرسانه‌ى بەشێک به‌رپرسانى يه‌كێتى نيشتيمانى كوردستان و ئه‌و چه‌كدارانه ده‌كه‌ين، كه به‌رژه‌وه‌ندى عێراقيان هه‌ڵبژارد و ڕه‌تيانكرده‌وه، به دواى خواستى جيابوونه‌وه بكه‌ون كه مه‌به‌ستيان بوو عێراق دابه‌ش بكرێت.
دوێنێ یەکشەممە به‌شێك له به‌رپرسانى يه‌كێتى له‌گه‌ڵ قاسم سوله‌يمانى و ميليشياكانى حه‌شدی شەعبی رێككه‌وتن و بڕيارياندا كه‌ركووك و سه‌رجه‌م سه‌نگه‌ره‌كانى پێشمه‌رگه راده‌ستى حه‌شد و هاوكارانيان له سوپاى پاسداران بكه‌ن.
ئەمڕۆش هەر لەو چوارچێوەیەدا به‌شێك له به‌رپرسانى يه‌كێتى فه‌رمانياندا به كشانه‌وه‌ى هێزه‌كانيان له سه‌نگه‌ره‌كان و ڕێگه‌يان بۆ داگيركردنى شارى كه‌ركووك له لايه‌ن حه‌شد و سوپاى پاسدارانه‌وه خۆشكرد.
پێشتر فەرماندەیی گشتیی هێزی پێشمەرگەی کوردستان لە ڕاگەیاندراوێکدا ئاشکرای کرد کە چەند سەرکردەیەکی یەکێتی خیانەتێکی مێژووییان لە کوردستان کردووە و کۆسرەت ڕەسول عەلییان بە تەنیا جێهێشتووە.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.