سەرۆکی ئەنجومەنی شارەدێی شنگال ڕایگەیاند، ئەو هێزانەی یەکێتیی نیشتمانیی کوردستان کە لە باشیک جێگیر کرابوون، بەبێ هیچ تەقەکردنێک کشاونەتەوە و زێرەڤانی شوێنەکانی پڕکردوونەتەوە.
کەمێک لەمەوبەر، داسن غەواس سلێمانی، سەرۆکی ئەنجومەنی باشیک بە باسنیوزی ڕاگەیاند، هێزەکانی یەکێتی بەبێ تەقەکردن لە سنووری باشیک کشانەوە و هێزەکانی پێشمەرگەی زێرەڤانی شوێنەکانیانی پڕکردەوە. ئەوەشی ڕوون کردەوە کە حەشدی شەعبی لەو سنوورە کەوتووەتە جموجۆڵەوە.
هەر لەمبارەیەوە حەمید ئەفەندی، فەرماندەی باڵای پێشمەرگە لە باشیک ڕايگەیاند: ”میلیشیاکانی حەشدی شەعبی بە چەکی زۆرەوە دەستی بەجوڵەکردووە و پێشمەرگە لە ئامادەباشی دایە و سەنگەرەکان خرانە ئەوپەڕی ئامادە باشییەوە".
جەختیشی لەوە کردەوە کە سەرووی خۆیان ئاگادار کردووەتەوە لەوەی ھێرش لە باشیک دەستی پێدەکات.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.