شاری ره‌قه‌ی پێگه‌ی سه‌ره‌كی چه‌كدارانی داعش له سووریا، دوای زیاتر له چوار مانگ شه‌ڕوپێكدادان ئه‌مڕۆ 17/10/2017 له‌لایه‌ن هێزه‌كانی سووریای دیموكراتی كه له‌لایه‌ن ویلایه‌ته یه‌كگرتووه‌كانی ئه‌مریكا پاڵپشتی ده‌كرێن كۆنترۆڵكرایه‌وه.
ته‌لال سه‌لۆ، گوته‌بێژی هێزه‌كانی سووریای دیموكراتی "هه‌سه‌ده" راگه‌یاند: "پاش ئه‌وه‌ی نه‌خۆشخانه‌ی نیشتمانیی و یاریگای شاره‌كه كۆنترۆڵكرایه‌وه، كه دوایین مۆڵگه‌ی چه‌كدارانی داعش بوو، شاری ره‌ققه به‌ته‌واوی كه‌وتۆ‌ته ده‌ست هێزه‌كانمان و ئێستا سه‌رقاڵی كێوماڵكرن و ده‌ستگیركردنی پاشماوه‌ی چه‌كدارانی داعشین".
ئۆپه‌راسیۆنی كۆنترۆڵكردنه‌وه‌ی شاری ره‌ققه‌ی سووریا، له 6-6-2017 ده‌ستیپێكرد و له شه‌ڕه‌كانی ره‌ققه‌شدا ژماره‌یه‌ك زۆر كوژراو و بریندار هه‌بووه، له‌و باره‌یه‌وه ته‌لال سه‌لۆ ده‌ڵێت: 3250 كه‌س له شه‌ڕه‌كانی ره‌ققه‌دا كوژراون كه 1130 كه‌سیان خه‌ڵكی سڤیل بوون.
ئا: سامان زاهیر
کۆمێنت (0)
تا ئێستا هیچ کۆمێنتێک نەکراوە.