وه‌زاره‌تی ده‌ره‌وه‌ی ئه‌مریكا رایگه‌یاند كه تینا كایدانۆڤ، جێگری وه‌زیری ده‌ره‌وه‌ی ئه‌مریكا بۆ كاروباری سیاسی و سه‌ربازی به وه‌كاله‌ت، به سه‌ردانێك دێته رۆژهه‌ڵاتی ناوه‌ڕاست و بۆ باسكردنی چه‌ند دۆسێیه‌كی ئه‌منی، سه‌ردانی هه‌ر یه‌ك له عێراق و ئیسرائیل و كوه‌یت و قه‌ته‌ر ده‌كات .
له به‌یاننامه‌یه‌كی وه‌زاره‌تی ده‌ره‌وه‌ی ئه‌مریكادا هاتووه ئه‌م هه‌فته‌یه جێگری وه‌زیری ده‌ره‌وه‌ی ئه‌مریكا بۆ كاروباری سیاسی و سه‌ربازی به وه‌كاله‌ت، دێته ناوچه‌كه و له عێراق و ئیسرائیل و كوه‌یت و قه‌ته‌ر چه‌ند پرسێكی ئه‌منی تاوتوێ ده‌كات .
روونیشیكرده‌وه كه كایدانۆڤ، له قه‌ته‌ر له‌گه‌ڵ گه‌وره به‌رپرسانی سه‌ربازی و مه‌ده‌نی بنكه‌ی ناوه‌ندیی سه‌ربازی ئه‌مریكا له ناوچه‌كه گفتوگۆ ده‌كات .
ئاماژه به‌وه‌شكراوه له میانی سه‌ردانه‌كه‌یدا بۆ عێراق، سه‌باره‌ت به تێكشاندنی چه‌كدارانی داعش له‌گه‌ڵ به‌رپرسانی عێراق كۆده‌بێته‌وه .
ئاماده‌كردنی : سوهێل تاهیر
کۆمێنت (0)
تا ئێستا هیچ کۆمێنتێک نەکراوە.