له شاری ئه‌غادیر له وڵاتی مه‌غریب هونه‌رمه‌ندی شێوه‌كار و كاریكاتێریستی كورد هه‌ندرێن خۆشناو به‌شداریكرد له یه‌كه‌مین فێستیڤاڵی هونه‌ریی (سڵاو ئه‌فریكا) كاریكاتێری و كارتۆن.
هونه‌رمه‌ند هه‌ندرێن خۆشناو رایگه‌یاند: ئه‌مه یه‌كه‌م جاربوو له وڵاتی مه‌غریب له فێستیڤاڵێكی هونه‌ریی به‌شداری بكه‌م، فێستیڤاڵه‌كه‌ش له دوو ته‌وه‌ر پێكهاتبوو، یه‌كه‌میان كارتۆن و به ناونیشانی (سڵاو ئه‌فریكا) بوو، بۆ ئه‌وه‌ی بزانن كه كاریكاتێریستان چۆن ده‌ڕواننه ئه‌فریكا و كێشه و گرفته‌كانی ئه‌و كیشوه‌ره، وه‌كو كۆچكردن و بڵاوبوونه‌وه‌ی نه‌خۆشیه‌كان و شه‌ڕی ناوخۆ و كۆده‌تای سه‌ربازیی و برسیه‌تی، ته‌وه‌ری دووه‌میشیان كاریكاتێر كه تایبه‌ت بوو به هونه‌رمه‌ندی كاریكاتێریستی ناسراوی مه‌غریبی ئیبراهیم له‌مهادی، له‌م فێستیڤاڵه‌شدا له (76) وڵاتی جیهانه‌وه زیاتر له (325) كاریكاتێریست به‌شدارییان كردبوو.
هه‌ندرێن خۆشناو ده‌ڵێت: ئه‌و خه‌ڵاته‌ش دڵخۆشی كردین، كه ئاماژه‌ك بوو بۆ ئه‌وه‌ی كه ئاستی كاریكاتێریستانی كورد هیچ له كاریكاتێریستانی جیهان كه‌مترنیه.
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.