دوای نیوه‌رۆی ئه‌مرۆ23/10/2017 له گه‌ره‌كی به‌ختیاری شاری سلێمانی هاوڵاتیه‌ك كۆتایی به ژیانی خۆی هێنا.
به‌ڕێوه‌به‌رایه‌تی پۆلیسی سلێمانی رایگه‌یاند: دوا به‌دوای گه‌یشتنی هێزه‌كانی پۆلیسی پارێزگای سلێمانی و تیمه‌كانی فریاگوزاری شاره‌كه بۆ گه‌ڕه‌كى به‌ختیارى ته‌رمى گه‌نجێكیان دۆزییه‌وه‌و كه پێده‌چێت خۆى كۆتاى به ژیانى خۆى هێنابێت.
به ووته‌ى چه‌ند شایه‌تحاڵێك: پێده‌چێت ئه‌وكه‌سه به فیشه‌ك كۆتاى به ژیانى خۆیى هێنابێت و تا ئێستاش هۆكارى كوشتنه‌كه‌ى نادیاره ،له‌م باره‌یه‌وه پۆلیس لێكۆلینه‌وه‌ى ده‌ست پێكردووه و ته‌رمه‌كه‌شیان ره‌وانه‌ى پزیشكى دادوه‌رى كردووه به مه‌به‌ستى لێكۆلینه‌وه له هۆكارى كوشتنه‌كه‌ى.
هه‌ر به پێی زانیاریه‌كانی به‌رێوه‌به‌رایه‌تی پۆلیسی سلێمانی هاوڵاتیه‌كه خێزانداره‌و ناوی (ه، ف، م) و له دایكبووی 1976 ،دانیشتووی گه‌ره‌كی به‌ختیاری شاری سلێمانیه.
شایه‌نی باسه هه‌ر ئه‌مرۆ به هۆی شه‌ره ته‌قه‌وه له بازاری دۆلاره‌كه‌ی شاری سلێمانی 2 هاوڵاتی تر به فیشه‌ك كوژران .
كوردستان تیڤى:داستان ئه‌میر
کۆمێنت (0)
تا ئێستا هیچ کۆمێنتێک نەکراوە.