وه‌زاره‌تى ده‌ره‌وه‌ى ئه‌مریكا رایگه‌یاند، پێشوازى له به‌یاننامه‌كه‌ى حكومه‌تى هه‌رێمى كوردستان ده‌كات، كه تێیدا ئه‌نجامى ریفراندۆمى سڕ كرد و ئاماده‌یى بۆ دانووستان له‌گه‌ڵ عێراق ده‌ربڕى.
گوته‌بێژى وه‌زاره‌تى ده‌ره‌وه‌ى ئه‌مریكا، هێزه‌ر نه‌وێرت، له جریوه‌یه‌كدا كه له هه‌ژمارى خۆى له تۆڕى كۆمه‌ڵایه‌تى "تویته‌ر" بڵاویكردووه‌ته‌وه‌و نووسیویه‌تى: ئێمه پێشوازى له به‌یاننامه‌ى حكومه‌تى هه‌رێم ده‌كه‌ین له باره‌ى راگرتنى شه‌ڕ و ئۆپراسیۆنه سه‌ربازییه‌كان.
هه‌روه‌ها نووسیویه‌تى: به‌یاننامه‌كه‌ى حكومه‌تى هه‌رێمى كوردستان هه‌نگاونانه به‌ره‌و پێشه‌وه.
دره‌نگانى شه‌وى رابردوو، حكومه‌تى هه‌رێمى كوردستان به‌یاننامه‌یه‌كى ده‌ركرد و تێیدا رایگه‌یاند، هه‌رێمى كوردستان ئاماده‌یه بۆ دانووستان و ئه‌نجامى پرۆسه‌ى ریفراندۆم سڕده‌كات.
كوردستان تیڤی / رفعت مزورى
کۆمێنت (0)
تا ئێستا هیچ کۆمێنتێک نەکراوە.