به‌رێز مه‌سعود بارزانی سه‌رۆكی هه‌رێمی كوردستان به‌شداری پرسه‌ی له مامۆستا عه‌لی عه‌بدوڵڵا ده‌كات.
پاش نیوه‌رۆی ئه‌مرۆ به‌رێز مه‌سعود بارزانی سه‌رۆكی هه‌رێمی كوردستان و نێچیرڤان بارزانی سه‌رۆكی حكوومه‌تی هه‌رێمی كوردستان و سیداد بارزانی ژماره‌یه‌ك له به‌رپرسانی حزبی و حكوومی له پرسه‌ی له مامۆستا عه‌لی عه‌بدوڵڵا ئاماده‌بوون.
پاش نیوه‌رۆی ئه‌مرۆ پرسه‌ی مامۆستا عه‌لی عه‌بدوڵڵا له شاری هه‌ولێر به‌رێوه‌چوو، كه ژماره‌یه‌ك له به‌رپرسانی حزبی و حكوومی به‌شداربوون.
ئه‌مرۆ 2017/10/26 ته‌رمی خوالێخۆشبێت (عه‌لی عبدوڵلا) ئه‌ندامی دامه‌زرێنه‌رو جێگری پێشووی سه‌رۆكی پارتی دیموكراتی كوردستان له گۆڕستانی شێخ ئه‌حمه‌دی شاری هه‌ولێر به ئاماده‌بوونی ژماره‌یه‌ك له به‌رپرسانی حزبی و حكوومی به خاك سپێردرا.
شایه‌نی باسه مامۆستا عەلی عەبدوڵڵا جێگری پێشووی سەرۆكی پارتی دیموكراتی كوردستاندا و یەكێك لە دامەزراێنەرانی پارتی و خاوەن ئیمتیازی رۆژنامەی خەبات لە تەمەنی 95 ساڵیدا كۆچی دوایی كرد.
مامۆستا عەلی عەبدوڵڵا ئەمین لە ساڵی 1922 لە شاری كۆیە لە بنەماڵەیەكەی كوردپەروەر لەدایكبووە، خوێندنی ناوەندیی لە كۆیە و دواناوەندیی لە كەركوك خوێندوە و بەشی ئەندازیاری ساختمانی لە بەغدا تەواو كردوە. ساڵی 1943 چووەتە ڕیزی كۆمەڵەی میللەت كە كۆمەڵەیەكی ماركسی بووە و دواتر سەنگەری خەباتی بۆ حیزی ڕزگاری گواستۆتەوە كە بەرەیەكی تێكەڵاو بووە لە كەسانی سەربەخۆ و لایەنگرانی حیزی شیوعی عێراق.
عەلی عەبدوڵڵا لە كۆنگرەی یەكەمەوە تا كۆنگرەی پێنجەم، ئەندامی مەكتەبی سیاسی پارتی بووە. ناوبرا یەكێك بوو لە ئەندامانی دەستەی ئامادەكاری كۆنگرەی حەوتەمی و لەو كۆنگرەیەدا سەر لە نوێ كۆمیتەی ناوەندیی و مەكتەبی سیاسی دیموكرات هەڵبژیردرایەوە.
ساڵی 1970 سەرنووسەری رۆژنامەی برایەتی و خاوەنی ئیمتیازی خولی دووەمی رۆژنامەی خەبات بووە .
ئا: سامان زاهیر
کۆمێنت (0)
تا ئێستا هیچ کۆمێنتێک نەکراوە.