وه‌زیری ده‌ره‌وه‌ى ئه‌مریكا، نیگه‌رانى وڵاته‌كه‌ى له هێرشكردنه سه‌ر هه‌رێمى كوردستان له لایه‌ن هێزه‌كانى عێراق و حه‌شدى شه‌عبى ده‌ربڕى و داواى له حه‌یده‌ر عه‌بادى و سه‌ركرده‌كانى عێراق كرد، ڕووبه‌ڕووى نفوزى ئێران بوه‌ستنه‌وه.
ڕێكس تیله‌رسۆن، وه‌زیری ده‌ره‌وه‌ى ئه‌مریكا، له نوێترین لێدوانیدا له باره‌ى دۆخى عێراق و بوونى میلیشیا ئێرانییه‌كانه‌وه، له وه‌لامى پرسیارى ژماره‌یه‌ك رۆژنامه‌وان له جنێف ڕایگه‌یاند: "داوا له عه‌بادى و سه‌ركرده‌كانى عێراق ده‌كه‌ین، به‌توندى ڕووبه‌ڕووى كاریگه‌رى ئێران له‌سه‌ر عێراق ببنه‌وه".
وه‌زیری ده‌ره‌وه‌ى ئه‌مریكا، له باره‌ى هێرشه‌كانى میلیشیا ئێرانییه‌كان به‌هاوكارى سوپای پاسداران و حزبوڵڵاى لوبنانى بۆ سه‌ر هه‌رێمى كوردستان، ڕایگه‌یاند: "ئه‌مریكا له ڕووبه‌ڕووبوونه‌وه‌كانى نێوان هێزه‌كانى عێراق و پێشمه‌رگه، زۆر نیگه‌رانه".
تیله‌رسۆن پێشتریش داواى له عه‌بادى كرد، له‌گه‌ڵ نزیكبوونه‌وه‌ى كۆتاییهاتنى شه‌رشى داعش، میلیشیا ئێرانییه‌كان له عێراق دووربخاته‌وه.
به‌دواى ئه‌و لێدوانه‌دا، به‌رپرسه باڵاكانى حه‌شدى شه‌عبى و لایه‌نه شیعه‌كانى عێراق، هێرشیى توندیان كرده سه‌ر تیله‌رسۆن و داوایان له عه‌بادى كرد، پێشوازى لێ نه‌كات.
کۆمێنت (0)
تا ئێستا هیچ کۆمێنتێک نەکراوە.