كه‌نه‌دا هه‌موو یارمه‌تییه سه‌ربازییه‌كانی له عێراق و هه‌رێمی كوردستان به‌هۆی شه‌ڕی چه‌ند رۆژی رابردووی نێوان پێشمه‌رگه و هێزه عێراقییه‌كان و حه‌شدی شه‌عبی راگرت .
به‌پێی میدیاكانی كه‌نه‌دا، ئه‌و هه‌نگاوه چاوه‌ڕواننه‌كراوه‌ی كه‌نه‌دا دوای ئه‌وه هات ره‌خنه له حكومه‌تی ئه‌و وڵاته گیرا كه له 3 ساڵی رابردوو نه‌یانتوانیوه هاوكاربن له چاره‌سه‌ری كێشه سیاسییه‌كان و كێشه‌ی نێوان پێكهاته‌كان و ئه‌و دابه‌شبوونه‌ی له عێراق هه‌یه .
سه‌رچاوه‌یه‌ك له سوپای كه‌نه‌دا رایگه‌یاند: هێزه‌كانی كه‌نه‌دا به‌رده‌وام ده‌بن له پاڵپشتی هاوپه‌یمانان به سه‌رۆكایه‌تی ئه‌مریكا له شه‌ڕی دژی داعش، له بواره‌كانی هه‌واڵگری و پزیشكی و گواستنه‌وه‌دا .
سه‌رچاوه‌كه روونیشیكرده‌وه كه 200 سه‌رباز و راوێژكاری هێزی تایبه‌تی كه‌نه‌دا فه‌رمانیان پێكراوه هیچ مه‌شق و هاوكاریه‌ك پێشكه‌شی پێشمه‌رگه‌و و هێزه عێراقییه‌كان نه‌كه‌ن، تاوه‌كو ئه‌و كاته‌ی په‌یوه‌ندی هه‌ردوولا ئاسایی ده‌بێته‌وه .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.