دەنگۆی داخستنی خاڵی سنووری پێشخابور رەت دەکرێته‌وه‌

ھەندێک لە میدیاکان دەنگۆی ئەوەیان بڵاوکردۆتەوە، کە گوایە خاڵی سنووری پێشخابور داخراوەو بەڕێوەبەری خاڵی سنووری پێشخابوریش دەنگۆی داخستنی خاڵی سنووری پێشخابور رەت دەکاتەوە و دەڵێت، هه‌واله‌كه‌ ھیچ بنەمایەکی نییە، "یەک خولەکیش ئەو خاڵە سنوورییە دانەخراوە و بگرە جموجوڵی بازرگانی زیادیشیکردووە.
 
شەوکەت بەربەهاری بەڕێوەبەری خاڵی سنووری پێشخابور، رایگەیاند: "ئەو دەنگۆیانە دوورن لە راستییەوە و ھیچ بنەمایەکیان نییە، چونکە بۆ ماوەی یەک خولەکیش سنوور دانەخراوە و ھاتووچۆ و جموجوڵی بارزگانی بەردەوامە".
 
بەربەھاری گوتیشی: "رۆژانە خەڵک لە رۆژئاوای کوردستان ھاتووچۆ دەکات و ھاوکاری مرۆیی بۆ رۆژئاوای کوردستان رەوانە دەکرێت، جموجوڵی بازرگانیش بەردەوامە".
 
بەڕێوەبەری خاڵی سنووری پێشخابور ده‌شڵێ: "جموجوڵی بازرگانی بە بەراورد لەگەڵ رابردوو زیادیشی کردووە، بە داخەوە ھەندێک میدیا لە خۆیانەوە هەواڵی ناڕاست بڵاو دەکەنەوە، بێ ئەوەی بگەڕێنەوە سەرچاوەکەی".