هه‌ولێر و به‌غدا له‌سه‌ر چه‌ند خاڵێك رێكده‌ده‌كه‌ون و هیچ جۆره مامه‌ڵه‌یه‌كیش له‌گه‌ڵ هێزه‌كانی حه‌شدی شه‌عبی بۆ گه‌یشتن به‌و رێككه‌وتنه نه‌كراوه و ناكرێت، رێككه‌وتنه‌كه‌ش له‌نێوان شاندی سه‌ربازی حكومه‌تی عێراق و هه‌رێمی كوردستانه.
له كۆبوونه‌وه‌ی دوێنێ هه‌ردوو شاندی سه‌ربازی حكومه‌تی هه‌رێمی كوردستان و حكومه‌تی عێراقی وه‌كو بنه‌ما له‌سه‌ر ئه‌وه رێككه‌وتوون كه هێلی نێوان هه‌ردوولا سنووری ئیداریی هه‌رێمی كوردستانه.
ئه‌و ناوچانه‌ی كه ده‌كه‌ونه ده‌ره‌وه‌ی سنووری ئیداره‌ی هه‌رێمی كوردستان و ئێستا له‌ژێر كۆنتڕۆڵی هێزه‌كانی پێشمه‌رگه‌ی كوردستانن وه‌كو ناوچه‌كانی مه‌حمودیه، سحێلا، فایده، شێخان، ئه‌لقۆش، گوێڕ، مه‌قلوب و خازر، هێزێكی هاوبه‌ش پێكبهێندرێت و ئاسایشی ئه‌و ناوچانه‌یان له‌ده‌ست بێت و به‌هاوبه‌شی له نێوان هه‌ردوولا ئیداره‌یان بكرێت.
له‌باره‌ی ده‌روازه‌ی سنووری پێشخابوور، هه‌ردوولا گه‌یشتوونه‌ته لێكتێگه‌یشتنێك كه هێزێكی پاسه‌وانی سنووری عێراق و هیزێكی پێشمه‌رگه و هیزێكی ئه‌مریكا به‌یه‌كه‌وه له‌و ناوچه‌یه بن.
له‌باره‌ی چۆنیه‌تی به‌ڕێوه‌بردنی ده‌روازه سنوورییه‌كان و فڕۆكه‌خانه‌كانیش ، شاندی هه‌ردوولا پرسه‌كه‌یان داوه‌ته ده‌ست وه‌زاره‌ته‌كانی ناوخۆ و دارایی، بۆ ئه‌وه‌ی هه‌ردوولا له چوارچێوه‌ی ده‌ستوور ئه‌و پرسه‌ی نێوانیان یه‌كلابكه‌نه‌وه.
ئه‌وه راگه‌یندراوه كه هیچ جۆره مامه‌ڵه‌یه‌ك له‌گه‌ڵ هێزه‌كانی حه‌شدی شه‌عبی بۆ گه‌یشتن به‌و رێككه‌وتنه نه‌كراوه و ناكرێت، رێككه‌وتنه‌كه له‌نێوان شاندی سه‌ربازی حكومه‌تی عێراق و هه‌رێمی كوردستانه.
سه‌رچاوه كوردستان 24
کۆمێنت (0)
تا ئێستا هیچ کۆمێنتێک نەکراوە.