به‌پێی سه‌رچاوه‌یه‌کى نزیک له "عه‌لی مه‌هدی" وته‌بێژی به‌ره‌ی تورکمانی به‌هۆی ناکۆکی نێوانیان له‌گه‌ڵ حه‌سه‌ن تۆران و ئه‌بو ئه‌یوب، دوای نیوه‌ڕۆی ئه‌مڕۆ 1-11-2017، عه‌لی مه‌هدی له ڕێگه‌ی فڕۆکه‌خانه‌ی به‌غداوه به‌ره‌و ووڵاتی تورکیا به‌یه‌کجاری که‌رکووکی به‌جێهێشت .
سه‌رچاوه‌که ئاماژه‌ی به‌وه‌ش کرد" هۆکاری ناکۆکییه‌کان له‌سه‌ر ئه‌وه بووه ، كه عه‌لی مه‌هدی گوتویه‌تی تاکو کورده‌کان نه‌گه‌ڕێنه‌وه بۆ ئه‌نجوومه‌نی پارێزگای که‌رکوک خۆى ئاماده نیه به‌شدارى کۆبوونه‌وه بكات و پارێزگار دیاری بکرێت .
له به‌رامبه‌ردا حه‌سه‌ن تۆڕان و ئه‌بو ئه‌یوب و ده‌سه‌ڵاتدارانی شیعه مه‌زهه‌به‌کان هه‌ڕه‌شه‌ی توندیان له ناوبراو كرد و پێیان گوتووه دیاره ئێوه پشتیوانی کورد ده‌كه‌ن، له هه‌مبه‌ریشدا عه‌لی مه‌هدى ده‌ڵێت" من ووڵات و که‌رکووک به‌جێ ده‌هێڵم تاکو کورد ده‌گه‌ڕێته‌وه، چونکه ئه‌وانه‌ی له ئێستادا که‌رکووکیان به‌جێهێشتووه کوردی ڕه‌سه‌نی شاره‌که‌ن.
کۆمێنت (0)
تا ئێستا هیچ کۆمێنتێک نەکراوە.