سه‌رۆكوه‌زیرانی ئیسرائیل رایده‌گه‌ێنێ، وڵاتانی سوننه مه‌زهه‌ب به‌شێوه‌یه‌ك له ده‌وروی ئیسرائیل كۆبوونه‌ته‌وه، پێشتر به‌هیچ شێوه‌یه‌ك نه‌بینراوه، ئه‌وه بارودۆخێكی وه‌هایه، له ژیانمدا پێشبینی روودانیم نه‌ده‌كرد، ئێستاش ئێران هه‌وڵی ئه‌وه ده‌دات عێراق و سووریا كۆنترۆڵ بكات.
بنیامین نه‌تانیاهۆ، سه‌رۆكوه‌زیرانی ئیسرائیل رایگه‌یاند: ئێران یه‌ك له دوای یه‌ك ده‌ستی وه‌رداوه‌ته ناو وڵاتانی رۆژهه‌ڵاتی ناوه‌ڕاست، یان راسته‌وخۆ داگیری كردووه، یان به‌هۆی بریكاره‌كانی له ناوچه‌كه‌دا، لوبنان و یه‌مه‌نی كۆنترۆڵكرد و ئێستا هه‌وڵی هه‌مان سیناریۆ له عێراق و سووریا ده‌دات.
هه‌روه‌ها گوتی: به‌ڵام هه‌واڵه خۆشه‌كه ئه‌وه‌یه، وڵاتانی سوننه مه‌زهه‌ب به‌شێوه‌یه‌ك له ده‌وری ئیسرائیل كۆبوونه‌ته‌وه، پێشتر به‌هیچ شێوه‌یه‌ك نه‌بینراوه، ئه‌وه بارودۆخێكی وه‌هایه، له ژیانمدا پێشبینی روودانیم نه‌ده‌كرد.
گوتیشی: ئیسرائیل هه‌وڵێكی زۆر ده‌دات تا هاوپه‌یمانێتی له‌گه‌ڵ ئه‌و وڵاتانه پێكبهێنێ بۆ ئه‌وه‌ی به‌رگریی له دوژمنكارییه‌كانی ئێران بكه‌ن.
کۆمێنت (0)
تا ئێستا هیچ کۆمێنتێک نەکراوە.