ئه‌مڕۆ كۆریای باكوور داوای له كۆمه‌ڵگه‌ی نێوده‌وڵه‌تی كرد سزا تونده‌كانی سه‌ر وڵاته‌كه‌ی لابدرێت ، به‌وه‌ی سزایه‌كی كۆمه‌ڵكوژییه .
له به‌یاننامه‌یه‌كدا نێرده‌ی كۆریای باكوور له نه‌ته‌وه یه‌كگرتوه‌كان له جنێڤ رایگه‌یاند كه ئه‌و زنجیره سزا توندانه‌ی كه ئه‌مریكا سه‌ركردایه‌تیان ده‌كات دژ به كۆریای باكوور و فشار ده‌خاته سه‌ر ئه‌م وڵاته، پێشێلكردنێكی نوێیه دژ به مافه‌كانی مرۆڤ و سزایه‌كی كۆمه‌ڵكوژییه .
له به‌یاننامه‌كه‌دا هاتووه كه سیسته‌می سزاكان له هه‌موو كه‌رته‌كانی هه‌ره‌شه ده‌كاته سه‌ر كۆماری كۆریای میللی دیموكراتی .
كۆریای باكوور له 3ی مانگی ئه‌یلولی رابردوو تاقیكردنه‌وه‌یه‌كی سه‌ركه‌وتووی بۆ مووشه‌كی ئه‌تۆمی ئه‌نجامدا كه شه‌شه‌مین جۆری تاقیكردنه‌وه‌كه‌یه .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.