مەولوود چاوشئۆغڵو، وەزیری دەرەوەی توركیا رایگەیاند كە بە ریكس تیلرسن، وەزیر دەرەوەی ئەمریكام گوتووە، بوونی فەتحولڵاگولەن لە ئەمریكا و پڕچەككردنی هێزەكانی سەر بە پارتی یەكێتی دیموكرات پەیەدە كاریگەری لەسەر پەیوەندییەكانمان درووستكردووە .
وەزیری دەرەوەی توركیا لە دیدارێكدا لەگەڵ كەناڵێكی توركی روونیكردەوە كە ، دوێنێ لەگەڵ تیلرسن بە تەلەفۆن قسەمان كردووەو سەرلەنوێ پێم راگەیاندووە، دوو هۆكار بوونەتە هۆی ئاڵۆزبوونی پەیوەندییەكانی نێوان ئەنقەرە و واشنتن، یەكەمیان بوونی فەتحولڵاگولەن لە ئەمریكا و پڕچەككردنی یەپەگە لەلایەن واشنتنەوە .ماوەیەك پەیوەندییەكانی نێوان توركیا و ئەمریكا گرژی تێكەوتووەو دواینجار كێشەی دیپلۆماسی لێكەوتەوەو ئەمریكا پێدانی ڤیزای بە هاووڵاتیانی توركیا راگرت.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.