وه‌زیری ده‌وڵه‌تی سعوودیه بۆ كاروباری كه‌نداو، رایگه‌یاند كه ئه‌وان هانی سه‌عد حه‌ریری-یان نه‌داوه تا له پۆستی سه‌رۆكوه‌زیرانی لوبنان ده‌ست له‌كاربكشێنێته‌وه.
سامر سه‌بهان ،وه‌زیری ده‌وڵه‌تی سعوودیه بۆ كاروباری كه‌نداو رایگه‌یاند: پێشتر سعوودیه له هه‌موو كاتێكدا پیشتیوانی له سه‌عد حه‌ریری كردبوو له‌وانه پشتیوانیكردن له رێككه‌وتنی سه‌رۆكایه‌تی حكوومه‌ت كه له مانگی تشرینی یه‌كه‌می ساڵی ٢٠١٦دا، واژوو كرا.
هه‌روه‌ها گوتی: حزبوڵڵای لوبنان هه‌وڵی دا شه‌ڕه‌كان له سووریاوه بگوازێته‌وه بۆ لوبنان و هه‌روه‌ها هه‌وڵی دا گورز له‌ناوخۆی لوبنان و وڵاتانی عه‌ره‌بی بوه‌شێنێت.
گوتیشی: چ جیاوازییه‌ك له نێوان حزبوڵڵای لوبنان و داعشدا، هه‌یه، ئه‌و دوو رێكخراوه تیرۆر ده‌هێننه ناوچه‌كه و به‌رپرسیاریه‌تی ئه‌وه‌ش له ئه‌ستۆی ئێراندایه.
کۆمێنت (0)
تا ئێستا هیچ کۆمێنتێک نەکراوە.