بەرپرسی راگەیاندنی پۆلیسی دهۆك رایگەیاند، شەوی رابردوو مێردمنداڵێك چووەتە ناو ماڵێكەوەو "كچێكی كوشتووە و دواتریش خۆی كوشتووە. كچه‌كه‌ش ته‌مه‌نی 17 ساڵانه.
رائید هێمن سلێمان، بەرپرسی راگەیاندنی پۆلیسی دهۆك راگەیاند، كاتژمێر 1:00ی شەوی رابردوو مێردمنداڵێك چووەتە ناو ماڵێكەوەو كچێكی بەگولەی دەمانچە كوشتووە و دواتریش خۆی كوشتووە".
ئاماژەی بەوەشكرد، رووداوەكە لەگەڕەكی ماڵتای سەنتەری شاری دهۆك روویداوەو مێردمنداڵەكەش تەمەنی 17 ساڵە و هه‌ردوو كوژراویش دانیشتوی شاری دهۆكن.
ئەوەشی خستەڕوو، "مێردمنداڵەكە دەمانچەی پێ بووەو دوای رووداوەكەش تەرمەكان لەلایەن پۆلیسەوە گواستراونەتەوە بۆ پزیشكی دادوەری".
رائید هێمن سلێمان: رایگه‌یاند به گوێره‌ی زانیارییه‌كانی ئێمه ماوه‌یه‌ك به‌ر له ئێستا كوره‌كه ده‌چێته خوازبێنی كچه‌كه، باوكی كچه‌كه‌ش ده‌ڵێت جاری منداڵه ئێمه به شووی ناده‌ین.
رائید هێمن گوتیشی: چەندین كەس لەسەر رووداوەكە دەستگیركراوە.
کۆمێنت (0)
تا ئێستا هیچ کۆمێنتێک نەکراوە.