بۆ به‌شداریكردن له ئاهه‌نگیكی خێرخوازی له ولاتی مه‌غریب گۆرانیبیژی ناوداری عێراقی كازم ساهیر چه‌ند مه‌رجێك داده‌نێت .
رۆژنامه‌ی ( ئه‌لنه‌هار) بلاویكرده‌وه دوای 3 سێ مانگ له گفتوگۆ له‌گه‌ل هونه‌رمه‌ندی عێراقی (كازم ساهیر) دواجار ڕه‌زامه‌ندی ده‌ربری له‌سه‌ر به‌شدایكردن له ئاهه‌نگێكی خیرخوازی كه بریاره له‌م مانگه له هه‌وارگه‌ی مازاغان له ولاتی مه‌غریب به‌ریوه‌بچێت .
ئه‌لنه‌هار وتیشی بۆ به‌شداریكردنی له‌م ئاهه‌نگه ناوبراو داوایكردووه كه هه‌موو خواردن و خواردنه‌وه‌یه‌كی كهولی له‌م ئاهه‌نگه قه‌ده‌غه بكرێت و داواشی كردووه داهاتی ئاهه‌نگه‌كه بۆ چاره‌سه‌ركردنی ئه‌و كه‌سانه بێت كه دووچاری نه‌خۆشی شێرپه‌نجه‌ن .
جێی باسه ئه‌و هه‌وارگه‌یه له ولاتی مه‌غریب ته‌نها كه‌سانی ده‌وله‌مه‌ند رووی تێده‌كه‌ن و ئاهه‌نگی تێدا سازده‌كه‌ن .
کۆمێنت (0)
تا ئێستا هیچ کۆمێنتێک نەکراوە.