گۆرانیبێژ و ژه‌نیار (شۆرش ئه‌بووبه‌كر) ناسراو به شۆره‌سوار له سه‌رده‌شتی ڕۆژهه‌ڵاتی كوردستان سروودێكی تازه‌ی بڵاوكرده‌وه به ناوی كه‌ركووك .
ده‌رباره‌ی ئه‌و به‌رهه‌مه تازه‌یه شۆره‌سوار ڕایگه‌یاند ,سروودی كه‌ركووك هه‌ڵگری په‌یامێكه بۆ كوردستانیبوونی كه‌ركووك و داوا ده‌كات داگیركه‌ران ئه‌و شاره جێبهێڵن ,وتیشی هونه‌رمه‌ند ئه‌ركی كۆمه‌ڵایه‌تی له سه‌ر شانه نابێت له به‌رامبه‌ر نه‌هامه‌تییه‌كاندا بێده‌نگی هه‌ڵبژێرێت .
هونه‌رمه‌ند شۆره‌سوار وتیشی هۆنراوه و میلۆدی كه‌ركووك هی خۆمه و (رامان زیره‌ك) یش كاری وێنه‌گرتنی بۆ ئه‌نجامداوه و به هاوكاری هونه‌رمه‌ندانی مۆسیقای سه‌رده‌شت ئاماده‌كراوه و له تۆره كۆمه‌ڵایه‌تییه‌كاندا بڵاوكراوه‌ته‌وه .
شۆرش ئه‌بووبه‌كر(شۆره‌سوار) جگه له چڕینی گۆرانی ژه‌نیاری ئامێره‌كانی (تار و سێ تار) یشه و له سالی 1979 له شاری سه‌رده‌شتی ڕۆژهه‌ڵاتی كوردستان له دایك بووه و خاوه‌ن چه‌ندین سروود و ئه‌لبوومی گۆرانییه .
کۆمێنت (0)
تا ئێستا هیچ کۆمێنتێک نەکراوە.