له‌میانی یاری گه‌ڕانه‌وه‌ی پاشكۆی ئه‌وروپا بۆ گه‌یشتن به‌جامی جیهانی دووهه‌زارو هه‌ژده‌ی رووسیا هه‌ڵبژارده‌ی ئیتالیا له‌سه‌ر یاریگای سان سیرۆ له‌شاری میلان میوانداری هه‌ڵبژارده‌ی سوید ده‌كات.
له‌یاری چوون ئیتالیا دووچاری شكست هات به‌گۆلێكی بێ وه‌ڵام ، بۆیه له‌م یاریه‌دا ده‌بێت به‌جیاوازی دوو گۆڵ سه‌ركه‌وتن به‌ده‌ست بێنێت تا گه‌یشتن به جامی جیهانی مسۆگه‌ر بكات.
لای خۆیه‌وه جیامبیرۆ ڤینتۆرا ڕاهێنه‌ری هه‌ڵبژارده‌ی ئیتالیا له‌لێدوانێكی ڕۆژنامه‌وانیدا رایگه‌یاند شێوازی یاریكردنمان ده‌گۆرین بۆ ئه‌وه‌ی قه‌ره‌بووی شكستی یاری رابردوو بكه‌ین.
هه‌روه‌ها ڤینتۆرا وتیشی ره‌نگه بۆ ئه‌م یاریه ئه‌نسینی و كاندریڤا زیاتر ئه‌ركی به‌رگریان پێ بسپێردرێت و به‌پلانی هێرشبردنیش یاری ئه‌نجام ده‌ده‌ین تا له‌گه‌یشتن به‌جامی جیهانی بێ به‌ش نه‌بین.
کۆمێنت (0)
تا ئێستا هیچ کۆمێنتێک نەکراوە.