لە هێرشێكی چەكداریدا بۆ سەر ژمارەیەك خاڵی ئەمنی لە باشووری ئەڤغانستان بەلایەنی كەم 22 پۆلیس كوژران .
موتیعولڵا هیلال گوتەبێژ بەناوی پۆلیسی هەرێمی قەندەهار رایگەیاند كە گروپێكی چەكدارانی تاڵیبان هێرشیان كردە سەر 15 خاڵی پشكنین لە ناوچەكانی زهیرای و مایواند لە هەرێمی قەندەهاری هاوسنووری هەرێمی هەڵمەند، لە ئاكامی ئەو هێرشەشدا 22 پۆلیس كوژران و 15ی دیكە بریندار بوون ، ئەم هێرشەش لە شەوی رابردووەوە دەستیپێكرد و تا بەیانی ئەمڕۆ بەردەوام بوو .
روونیشیكردەوە كە هێرشبەرەكان كەسی خۆكوژو جۆرەها چەكی قورسیان بۆ ئەنجامدانی هێرشەكە بەكار هێنا ، بەڵام هێزە ئەمنییەكانی ئەڤغانستان توانیان بەرپەرچی هێرشەكە بدەنەوە و 45 چەكدار بكوژن و 35ی دیكە بریندار بكەن .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.