ئه‌مرۆ چوارشەممە 15/11/2017، سووپای زیمبابۆی دەستی بەسەر سەرۆکایەتی وولات و پەرلەمان و دادگاکان و میدیای فەرمیی وڵاتدا گرت و چەند تەقینەوەیەکی بەهێزیش لە هاراری پایتەخت روویان دا.
سەرەتا سووپا رایگەیاند، کە نیازی کودەتای نییە بەسەر رۆبێرت مۆگابی، سەرۆکی وڵاتە، بەڵام دەرکەوت سوپا کودەتای ئەنجام داوە و مۆگابی کەنارگیر کردووە.
رۆبێرت مۆگابی، لە ساڵی 1924 لەدایک بووە. لە ئەفریقیای باشوور و بەریتانیا خوێندوویەتی. لە ساڵی 1980 تا 1987 سەرۆک وەزیرانی زینبابۆی بووە و لە ساڵی 1987ـیشەوە تا ئێستا سەرۆکی زیمبابۆی بوو (ماوەی 30 ساڵ).
زیمبابۆی وڵاتێکی ئەفریقییە و کەوتووەتە باشووری کیشوەری ئەفریقیا. لە ساڵی 1965 سەربەخۆیی خۆی و جیابوونەوەی لە بەریتانیا راگەیاندووە و لە ساڵی 1980 وەک دەوڵەتێکی سەربەخۆ، دانی پێدا نراوە.
کۆمێنت (0)
تا ئێستا هیچ کۆمێنتێک نەکراوە.