جاسم به‌یاتی سه‌ركرده له ئیئتیلافی ده‌وڵه‌تی یاسا ئاشكرایكرد، حكومه‌تی عه‌بادی به‌نیازی هه‌مواركردنه‌وه‌ی یاسای حه‌شدی شه‌عبیه، بۆ ئه‌وه‌ی له‌مه‌ودوا فه‌رمان له فه‌رمانده‌ی گشتی هێزه چه‌كداره‌كان وه‌ربگرن.
به‌گوێره‌ی سه‌رچاوه‌یه‌كی نزیكیش له حه‌یده‌ر عه‌بادی سه‌رۆك وه‌زیرانی عێراق "حكومه‌تی عێراق پلانی بۆ ناردنی ره‌شنووسی هه‌مواركردنه‌وه‌ی یاسای حه‌شدی شه‌عبی بۆ ئه‌نجوومه‌نی نوێنه‌ران هه‌یه.
له لایه‌كى تره‌وه ئه‌مرۆ چوارشه‌ممه كۆنگریسی ئه‌مه‌ریكا رایگه‌یاند، بزووتنه‌وه‌ی نوجه‌بای سه‌ر به حه‌شدی شه‌عبی تیرۆریستیه و پێویسته له‌ماوه‌ی 90 رۆژدا ئه‌و گروپه قه‌ده‌غه‌بكرێت.
ماڵپه‌ڕی فه‌رمی كۆنگرێسی ئه‌مه‌ریكا راپۆرتێكی له‌باره‌ی "یاسای كۆنگرێسی ئه‌مه‌ریكا بۆ قه‌ده‌غه‌كردنی شوێنكه‌وتووانی ئێرانی له ناوچه‌كه بۆ ساڵی 2017" بڵاوكرده‌وه و تێیدا رایگه‌یاند، پێویسته له‌ماوه‌ی 90 رۆژدا سه‌رجه‌م ئه‌و كه‌س و لایه‌نانه‌ی فه‌رمان له ئێران وه‌رده‌گرن قه‌ده‌غه بكرێن. وه‌ك راشگه‌یندراوه، ره‌شنووسی یاساكه بۆ كۆنگرێس و ئه‌نجوومه‌نی پیرانی ئه‌مه‌ریكا به‌رز كراوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.