له به‌رامبه‌ر ئه‌و زنجیره بومه‌له‌رزه‌ی كه چه‌ند ڕۆژێك پێش ئێستا له هه‌ردوو پارچه‌ی باشوور و ڕۆژهه‌ڵاتی كوردستان روویانداو چه‌ندین هاوڵاتی كورد بوونه قوربانی، گۆرانیبێژی كورد (نه‌وید زه‌ردی) گۆرانییه‌كی بڵاوكرده‌وه .
له تۆری كۆمه‌ڵایه‌تی ئینستاگرام و له هه‌ژماری تایبه‌ت به خۆی هونه‌مه‌ندی ڕۆژهه‌ڵاتی كوردستان نه‌وید زه‌ردی له گرته‌یه‌كی ڤیدیۆییدا گۆرانییه‌كی تازه‌ی خۆی له ژێر ناوی هاوار بڵاوكردۆته‌وه و نووسیویه‌تی كه گۆرانی هاوار پێشكه‌شه به هه‌موو ئه‌وانه‌ی دووچاری كاره‌ساتی بوومه‌له‌رزه بوونه‌ته‌وه .
له كۆتاییدا ئه‌و هونه‌رمه‌نده هیوا ده‌خوازێت كه ئه‌و گۆرانیه ته‌نیا وه‌ك به‌رهه‌مێكی هونه‌ری نه‌بێت به‌ڵكو هه‌وڵێك بێت بۆ كه‌مپینێكو كۆكردنه‌وه‌ی یارمه‌تی بۆ لێقه‌وماوان .
کۆمێنت (0)
تا ئێستا هیچ کۆمێنتێک نەکراوە.