میلیشیا شیعه‌کان سووکایه‌تی به‌ کوردانی گه‌ڕه‌کی ره‌حیماوه‌ ده‌که‌ن

میلیشیاكانی حه‌شدی شه‌عبی سووكایه‌تی به‌ خه‌ڵكی كاسبكاری نێو بازاری ره‌حیماوی شاری كه‌ركوك ده‌كه‌ن و له‌ هه‌مانكاتیشدا هه‌ڕه‌شه‌ی كوشتنیان لێده‌كه‌ن.

سه‌رچاوه‌یه‌كی تایبه‌ت به‌ ده‌زگای سه‌ته‌لایتی كوردستانی راگه‌یاند: كاتژمێر 11:50 خوله‌كی ئه‌مڕۆ پێنج شه‌ممه‌ 2017/11/16 دوو چه‌كداری میلیشیا شیعه‌كان به‌مه‌به‌ستی بازاڕكردن به‌ئۆتۆمبێلێكی سه‌ربازی چوونه‌ته‌نه‌ نێو بازاڕی ڕه‌حیماوای شاری كه‌ركوك.

سه‌رچاوه‌كه‌ هه‌روه‌ها گوتی: به‌هۆی ته‌سكی شه‌قامه‌كه‌ و قه‌ڵه‌باڵغییه‌وه‌ له‌كاتی گه‌ڕانه‌وه‌یان ئه‌و چه‌كدرانه‌، چه‌كدارێكیان دابه‌زیبوه‌و به‌پێ چۆته‌ سه‌ر سه‌قف و بۆنیتی ئۆتۆمبێلی خاوه‌ن دووكانێكـ و سوكایه‌تییه‌كی زۆری به‌ خه‌ڵكی ئه‌و ناوه‌ كردووه‌و گوتویه‌تی هه‌ر كه‌سێكـ قسه‌ی زیاد بكات سكی پڕ ده‌كه‌م له‌فیشه‌كـ.