ژه‌نه‌راڵ جێمز ماتیس وه‌زیری به‌رگری ویلایه‌ته یه‌كگرتووه‌كان له كۆنفرانسێكی هه‌واڵیدا رایگه‌یاند، ئه‌گه‌ر كۆریای باكوور تاقیكاریی ئه‌تۆمیی بوه‌ستێنێت و په‌ره‌پێدانی پرۆگرامه سه‌ربازییه‌كانی راگرێت و چه‌ك هه‌نارده نه‌كات، ئه‌وا ده‌رفه‌تێك بۆ دانووستان فه‌راهه‌م ده‌بێت .
ئه‌م لێدوانه‌ی ژه‌نه‌راڵ ماتیس له‌كاتێكدایه كه پێشتر وه‌زیری ده‌ره‌وه‌ی ئه‌مریكاش وتبووی، گه‌شبینم به چاره‌سه‌ری قه‌یرانی كۆریای باكوور له رێگه‌ی دیپلۆماسییه‌وه .
جیا له‌وه دۆناڵد ترامپ سه‌رۆك كۆماری ئه‌مریكاش له سه‌ردانه‌كه‌ی ئه‌مدواییه‌ی بۆ ئاسیا رایگه‌یاندبوو كه سه‌بری ستراتیژیی ئه‌مریكا كۆتایی پێهاتووه و ئه‌گه‌ر كرده‌وه‌یه‌ك له‌لایه‌ن كۆریای باكووره‌وه ئه‌نجام بدرێت، هه‌ڵوێستی توندی واشنتۆنی به‌دواوه ده‌بێت .
جێگه‌ی سه‌رنجه كه هه‌موو ئه‌و لێدوانه جیاوازانه‌ی به‌رپرسانی ئه‌مریكا، تا ئێستا نه‌بووه‌ته هۆی پیشاندانی هیچ نه‌رمییه‌كی كۆریای باكوور بۆ ئه‌نجامی دانووستان .
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.