فەلاح مستەفا یاریدەدەری وەزیری بەرگریی ئەمریکا کۆبووەتەوە
فەلاح مستەفا بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان داوایەک ئاراستەی حکوومەتی ئەمریکا دەکات.
بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان لە ئەمریکا لەگەڵ رۆبێرت کەریم، یاریدەدەری وەزیری بەرگریی ئەمریکا کۆ بووەتەوە.
لە کۆبوونەوەکەدا، فەلاح مستەفا داوای لە یاریدەدەری وەزیری بەرگریی ئەمریکا کردووە، ئەمریکا رۆڵ بگێڕێت لە هێورکردنەوەی رەوشی نێوان هەولێر و بەغدا و هەوڵ بدات بەغدا پابەند بکات بە درێژەدان بە ئاگربەست.
بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان هەروەها داوای کردووە ئەمریکا رۆڵێکی ”کاراتر“ بگێڕێت لە لێکنزیککردنەوەی هەرێمی کوردستان و عێراق، بە مەبەستی چارەسەرکردنی کێشەکان بەڕێگەی دانوستاندن.
کۆمێنت (0)
تا ئێستا هیچ کۆمێنتێک نەکراوە.