میلیشیاکانی حه‌شد و هێزه‌کانی دیکه‌ی عێراق به‌رده‌وامن له‌ ده‌ستگیرکردنی گه‌نجانی کورد له‌ که‌رکوک

میلیشیاكانی حه‌شدی شه‌عبی و هێزه‌كانی دیكه‌ی عێراق له‌نێو گه‌ره‌كه‌كانی كه‌ركوك هه‌ڵمه‌تێكی گه‌ڕان و پشكنینیان بۆ ده‌ستگیركردنی خۆبه‌خشانی كورد ده‌ست پێكردووه‌.

سه‌رچاوه‌یه‌كی تایبه‌ت به‌ ده‌زگای سه‌ته‌لایتی كوردستانی راگه‌یاند: له‌كاژمێر ٦:٠٠ـی به‌ره‌به‌یانی ئه‌مڕۆ یه‌كـ شه‌ممه‌ ۲٠۱۷/۱۱/۱۹ میلیشیاكانی حه‌شدی شه‌عبی و هێزه‌كانی دیكه‌ی عێراق ده‌ستیان كردووه‌ به‌ گه‌ڕان و پشكنینی گه‌ڕه‌كی ئه‌سرا و مه‌فقودینـی شاری كه‌ركوكـ .

سه‌رچاوه‌كه‌ گوتیشی:مه‌به‌ست له‌و هه‌ڵمه‌ته‌ی میلیشیاكانی حه‌شدی شه‌عبی و هێزه‌كانی دیكه‌ی عێراق، بۆ ده‌ست گیركردنی گه‌نجانی كوردو خۆبه‌خشانی كورده‌ ، كه‌ زوڵم و سته‌می داگیركاری كه‌ركوك ره‌ت ده‌كه‌نه‌وه‌.چونكه‌ ئه‌مه‌ یه‌كه‌م جار نییه‌ هه‌ڵمه‌تی له‌م شێوه‌یه‌ ئه‌نجام ده‌ده‌ن.