چه‌كدارانی داعش له نزیك شارۆچه‌ی دووبزهێرشیان كردۆته سه‌ر چه‌كدارانی حه شدی شه‌عبی و له‌هێرشه‌كه‌دا ژماره‌یه‌ك كوژراو برینداری حه‌شدی شه‌عبی هه‌ن.
سه‌رچاوه‌یه‌كی تایبه‌ت به ده‌زگای سه‌ته‌لایتی كوردستانی راگه‌یاند: كاتژمێر ١١ ی ئه‌مرۆ 19-11-2017 چه‌كدارانی داعش له جه‌بل غه‌ڕڕه له نزیك شارۆچه‌ی دووبز هێرشیان كردۆته سه‌ر میلیشیاكانی حه‌شدی شه‌عبی.
به پێی زانیارییه‌كانی سه‌رچاوه‌كه: له هێرشه‌كه‌ی چه‌كدارانی داعش، میلیشیاكانی حه‌شدی شه‌عبی كوژراو وبرینداریان هه‌یه و به‌شێك له برینداره‌كانیشیان گواستۆته‌وه بۆ نه‌خوشخانه‌ی دووبز.
دوای ئه‌وه‌ی له 16ی ئۆكتۆبه‌ر میلیشیاكانی حه‌شدی شه‌عبی و هێزه‌كانی دیكه‌ی عێراق، شاری كه‌ركوك و ناوچه دابرێندراوه‌كانیان داگیركرد، ناو به‌ناو چه‌كدارانی داعش هێرش ده‌كه‌نه سه‌ر میلیشیاكانی حه‌شدی شه‌عبی.
کۆمێنت (0)
تا ئێستا هیچ کۆمێنتێک نەکراوە.