هێزه تایبه‌ته‌كانی ئه‌فغانستان و هاوكاره نێوده‌وڵه‌تییه‌كانیان توانییان 30 كه‌س له زیندانی تاڵیبان ئازاد بكه‌ن، كه ئه‌وانه له كه‌سانی نزیكی هێزه‌كانی سوپا و پۆلیس و كارمه‌نده‌كانی حكومه‌تن .
له ئه‌نجامی ئۆپه‌راسیۆنێكی هێزه تایبه‌ته‌كانی ئه‌فغانستان و هێزه نێوده‌وڵه‌تییه‌كان له شاری نه‌وزادی ویلایه‌تی هیلمه‌ند، گروپێكی زیندانیكراوی ده‌ستی تاڵیبان ئازاد كران كه له خزموكه‌سانی ئه‌فسه‌رانی پۆلیس و سوپا و كارمه‌ندانی حكومه‌تی ئه‌م وڵاته‌ن .
به‌رپرسانی ویلایه‌تی هیلمه‌ند رایانگه‌یاند كه له‌ناو ئازاد كراوه‌كاندا چوار منداڵ به ته‌مه‌نی خوارووی 12 ساڵ هه‌بوون .
قاری یوسف ئه‌حمه‌دی وته‌بێژی گروپی تاڵیبان له راگه‌یه‌نراوێكدا وتوویه‌تیی كه ئه‌و كه‌سانه تاوانی وه‌ك دزیی و مرۆڤ رفاندن و تاوانی دیكه‌ی جۆراوجۆریان ئه‌نجامداوه و دۆسییه‌كانیان له ره‌وتی لێكۆڵینه‌وه‌دا بووه .
سه‌رچاوه / دی ده‌بڵیوو
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.