له ئاكامی ته‌قینه‌وه‌ی خانوویه‌كی بۆمبڕێژكراو به هێزێكی حه‌شدی هۆزه‌كان له رۆژئاوای پارێزگای ئه‌نبار، سێ چه‌كدار كوژران و بریندار بوون.
عه‌قید وه‌لید دلێمی، ئه‌فسه‌ر له سوپای عێراق، رایگه‌یاند : له ئاكامی ته‌قینه‌وه‌ی خانوویه‌كی بۆمبڕێژكراو به هێزێكی حه‌شدی هۆزه‌كان له رۆژئاوای پارێزگای ئه‌نبار، سێ چه‌كدار كوژران و بریندار بوون.
هه‌روه‌ها دلێمی گوتی: له میانی هه‌ڵمه‌تێكی پشكنیندا له شاری راوه رۆژئاوای پارێزگای ئه‌نبار، خانوویه‌ك كه پێشتر داعش بۆمبڕێژكردبوو، ته‌قییه‌وه.
گوتیشی: له ئاكامی ته‌قینه‌وه‌كه‌دا، دوو چه‌كداری حه‌شدی هۆزه‌كان كوژران و یه‌كێكی دیكه‌ش بریندار بوو.
دلێمی باسی له‌وه‌ش كرد كه داعش ژماره‌یه‌ك خانوو و بینای شاری راوه‌ی بۆمبڕێژكردووه و له ئێستادا تیمی ئه‌ندازیاری سه‌ربازی سه‌رقاڵی پاككردنه‌وه‌ی خانوو و بیناكانی شاره‌كه‌ن.
کۆمێنت (0)
تا ئێستا هیچ کۆمێنتێک نەکراوە.