3000 زبڵدان كه نرخی هه‌ریه‌كه‌یان ده‌گاته نزیكه‌ی 100 دۆلار، له نێو شاره‌وانی وون ده‌بێ و په‌ڕاوی لێكۆڵینه‌وه‌ش بۆ ئه‌م دزی و گه‌نده‌ڵییه ده‌ست پێده‌كرێت.
به پێی هه‌واڵێكی ئاژانسی نون، بوشرا حه‌سه‌ن عاشوور، ئه‌ندامی ئه‌نجومه‌نی پارێزگای كه‌ربه‌لا ئاشكرای كردووه: بڕێكی زۆر له‌و زبڵدانانه‌ی كه شاره‌وانی ته‌هران پێشكه‌شی شاره‌وانی كه‌ربه‌لای كردووه، دیار نه‌ماون و ئه‌نجومه‌نی پارێزگاش لێكۆڵینه‌وه‌ی له‌م دۆسییه ده‌ست پێكردووه.
عاشوور روونیشیكرده‌وه كه ژماره‌ی ئه‌م زبڵدانانه‌ی وون بووه 3000 زبڵدانه‌و نرخی هه‌ریه‌كه‌یان به نزیكه‌ی 100 دۆلارخه‌ملێنراوه، زبڵدانه‌كانیش له نێو شاره‌وانی كه‌ربه‌لا وون بوون و به‌شێكی كه‌مییان به‌سه‌ر چه‌ند ناوچه‌یه‌ك دابه‌شكراوه.
ئه‌ندامه‌كه‌ی ئه‌نجومه‌نی پارێزگای كه‌ربه‌لا ده‌شڵێ: له كاتی به‌رێوه‌چوونی چله‌ی ئیمام حوسێن شاره‌وانی ته‌هران ئه‌م زبڵدانانه‌ی به شاره‌وانی پارێزگای كه‌ربه‌لا به‌خشیوه.
گوتیشی: له كۆبوونه‌وه‌ی ئه‌نجومه‌نی پارێزگادا لێكۆڵینه‌وه له وون بوونی ئه‌م ژماره زۆره‌ی زبڵدان له شاره‌وانی كه‌ربه‌لا دا ده‌كه‌ین .
کۆمێنت (0)
تا ئێستا هیچ کۆمێنتێک نەکراوە.