دوای ئه‌وه‌ی له ئاكامی رووداوێكی هاتوچۆدا له ژاپۆن كه‌سێك گیانی له‌ده‌ستدا، خواردنه‌وه كهولییه‌كان له سه‌ربازانی ئه‌مریكا كه له ئۆكیناوا ئه‌ركه‌كانیان راده‌په‌ڕێنن قه‌ده‌غه كرا.
دوای ئه‌وه‌ی سه‌ربازی ئه‌مریكی، نیكۆلاس جه‌میز-مه‌یكلیانی ته‌مه‌ن ٢١ ساڵ له كاتی لێخوڕینی بارهه‌ڵگر به سه‌رخۆشی له باشووری ئۆكیناوا هیده‌ماسا تایرای ته‌مه‌ن ٦١ی شێلا، سوپای ئه‌مریكا راگه‌یه‌نراوێكی له‌مباره‌یه‌وه بڵاوكرده‌وه.
له راگه‌یه‌نراوه‌كه‌دا خواردنه‌وه، كڕین و به‌كارهێنانی خواردنه‌وه كهولییه‌كان له‌و سه‌ربازانه قه‌ده‌غه‌كراوه كه له ژاپۆنن، تاكو ده‌ركردنی فه‌رمانی دووه‌میش قه‌ده‌غه‌یه سه‌ربازان له بنكه‌كانیان له ئۆكیناوا بێنه ده‌ره‌وه.
دوای رووداوه‌كه دوێنێ، نیكۆلاس جه‌میز-مه‌یكلیان ده‌ستگیركرا. دوای پشكنینه‌كان ده‌ركه‌وت ناوبراو سێ هێنده‌ی ئاستی ئاسایی كهولی خواردۆته‌وه.
له‌و ناوچه‌یه‌ی رووداوه‌ی تیادا روویداوه نزیكه‌ی ٢٥ هه‌زار سه‌ربازی ئه‌مریكی سه‌رقاڵی راپه‌ڕاندنی كاره‌كانیانن و ئاماژه به‌وه ده‌درێت كه پێده‌چێت ئه‌و رووداوه ببێته هۆی ئه‌وه‌ی ئۆپۆزسیۆن دژ به مانه‌وه‌ی ئه‌مریكا بوه‌ستێته‌وه له ئۆكیناوا.
کۆمێنت (0)
تا ئێستا هیچ کۆمێنتێک نەکراوە.