به‌هۆی ته‌واونه‌بووی ڕێژه‌ی یاسایی كۆبوونه‌وه‌ی ئه‌نجوومه‌نی پارێزگای كه‌ركوك ئه‌نجام نه‌دراو توركمانه‌كانیش خه‌ریكی ئه‌وه‌ن رێبوار تاڵه‌بانی سه‌رۆكی ئه‌نجومه‌نه‌كه دوور بخه‌نه‌وه.
به‌شێك له ئه‌ندامانی فراكسیۆنی برایه‌تی و ئه‌ندامانی فراكسیۆنه‌كانی عه‌ره‌ب و توركمانه‌كان هه‌وڵیاندا كۆبوونه‌وه‌ی ئه‌نجوومه‌نی پارێزگای كه‌ركوك ئه‌نجام بده‌ن ،به‌ڵام نه‌یانتوانی ڕێژه‌ی یاسایی ئه‌ندامان بۆ ئه‌نجامدانی كۆبوونه‌وه‌كه كۆبكه‌نه‌وه‌و كێشه‌ش كه‌وتۆته نێوان عه‌ره‌ب و توركمانه‌كان.
ئه‌نجوومه‌نی پارێزگای كه‌ركوك له ٤١ ئه‌ندام پێكهاتووه و بۆ ته‌واوبوونی ڕێژه‌ی یاسایی بۆ ئه‌نجامدانی كۆبوونه‌وه پێویسته ٢١ ئه‌ندام ئاماده‌بن.
دوێنییش ڕێبوار تاڵه‌بانی سه‌رۆكی ئه‌نجوومه‌نی پارێزگای كه‌ركوك، بڕیاری دواخستنی كۆبوونه‌وه‌ی ئه‌نجوومه‌نه‌كه‌یدا.
دوای ڕووداوه‌كانی ١٦ ی ئۆكتۆبه‌ر دۆخێكی نه‌گونجاوی دۆخی ئه‌منی شاری كه‌ركوكی گرتۆته‌وه، بۆیه هیچ كۆبوونه‌وه‌یه‌كی ئه‌نجوومه‌نی پارێزگای كه‌ركوك ئه‌نجام نه‌دراوه‌و زۆربه‌ی ئه‌ندامه‌كانی ئه‌نجومه‌نه‌كه‌ش شاری كه‌ركوكیان به جێهێشتووه .
کۆمێنت (0)
تا ئێستا هیچ کۆمێنتێک نەکراوە.