کۆشکی سپی رایدەگەیەنێت دۆناڵد ترەمپ سەرۆکی ویلایەتە یەکگرتووەکانی ئەمەریکا و هاوتا روسییەکەی ڤلادیمێر پوتین پەیوەندییەکی تەلەفۆنییان ئەنجام داوە.
کۆشکی سپی ئەمەریکا لە راگەیەندراوێکدا ئاماژەی بەوە کردوە کە ترەمپ و پوتین لە پەیوەندییە تەلەفۆنییەکەدا تاوتوێی پرسەکانی سوریا، ئێران، کۆریای باکور و ئۆکرانیایان کردووە.
هەفتەی رابردوو هەردوو سەرۆکی ئەمەریکا و روسیا چەند جارێک بە شێوەی نافەرمی پێکەوە قسەیان کرد، کاتێک هەردووکیان بەشدارییان لە کۆبوونەوەیەک لە وڵاتی ڤێتنام کرد.
پەیوەندییەکەی ئەمڕۆی پوتین و ترەمپ دوای ئەوە دێت کە دوێنی ڤلادیمێر پوتین لەگەڵ بەشار ئەسەد سەرۆکی سوریا کۆبوویەوەو بڕیاریشە لە کۆتایی ئەم هەفتەیەدا پوتین لەگەڵ سەرۆکەکانی ئێران و تورکیاشدا کۆببێتەوە.
کۆمێنت (0)
تا ئێستا هیچ کۆمێنتێک نەکراوە.