هیچ گه‌ره‌نتیه‌ك بۆ گه‌رانه‌وه‌ی به‌رپرسه كورده‌كان بۆ پۆسته‌كانیان له ناوچه دابڕێندراوه‌كاندا نییه ، چونكه هێزه‌كانی حه‌شدی شه‌عبی وه‌كو داگیركه‌ر مامه‌ڵه ده‌كه‌ن، نه‌ك وه‌كو ئه‌وه‌ی كه به ته‌نسیق هاتبنه ناوچه‌كه.
دكتۆر ئه‌میرخوا كه‌ره‌م، قایمقامی قه‌زای داقوق ی باشوری كه‌ركوك، به‌ده‌نگی ئه‌مه‌ریكای راگه‌یاند: له‌داقوق و ناوچه كێشه‌له‌سه‌ره‌كان هیچ گروپ و تاقمێك ناتوانێت گه‌ره‌نتی گه‌رانه‌وه‌ی به‌رپرسه كورده‌كان بۆ پۆسته‌كانیان بكات.
گوتیشی : ته‌نها هێزه‌كانی به‌در له‌گه‌ڵ گه‌رانه‌وه‌ی به‌رپرسه كورده‌كاندان بۆ پۆسته‌كانیان، ئه‌وانیتر دژن و گرفت دروست ده‌كه‌ن.
هه‌ر سه‌باره‌ت به‌م پرسه وه‌ها ئه‌حمه‌د ،به‌رێوه‌به‌ری ناحیه‌ی قه‌ره‌ته‌په‌ی پارێزگای دیاله، رایگه‌یاند: هیچ گه‌ره‌نتیه‌ك نییه بۆ گه‌رانه‌وه‌ی به‌رپرسه كورده‌كان بۆ پۆسته‌كانیان، چونكه هێزه‌كانی حه‌شدی شه‌عبی وه‌كو داگیركه‌ر مامه‌ڵه ده‌كه‌ن نه‌ك وه‌كو ئه‌وه‌ی كه به ته‌نسیق هاتبنه ناوچه‌كه، وتی من رۆژی 17 /10 كاتێك رۆیشتمه قه‌ره‌ته‌په بۆ ده‌وام كردن، بینیم فه‌رمانده‌ی فه‌وجی حه‌شدی شه‌عبی له‌سه‌ر كورسیه‌كه‌م دانیشتووه.
ئاماده‌كردن: رزگار
کۆمێنت (0)
تا ئێستا هیچ کۆمێنتێک نەکراوە.