ستیفان دیمیستورا نوێنەرى تایبەتى نەتەوە یەکگرتوەکان بۆ کاروبارى سووریا ڕایگەیاند، سبەی لەبارەى دانیشتنى جنێڤەوە بۆ چارەسەرکردنى کێشەى سووریا سەردانى ڕووسیا دەکات و لەگەڵ وەزیرانى دەرەوە و بەرگریى ڕووسیا لەبارەى دانیشتنى جنێڤەوە گڤتوگۆ دەکات.
نووسینگەى ستیفان دیمیستورا نوێنەرى تایبەتى ڕێکخراوى نەتەوە یەکگرتووەکان بۆ کاروبارى سووریا بڵاویکردەوە، سبەى 23ى تشرینى دووەمى 2017 سەردانى مۆسکۆى پایتەخى ڕووسیا دەکات و لەبارەى دانیشتنى جنێڤ بۆ چارەسەرکردنى قەیرانى سوریا لەگەڵ سێرگى لاڤرۆڤ وەزیرى دەرەوەى ڕووسیا کۆدەبێتەوە.
ئاماژە بەوەش کراوە، دیمیستورا جگە لە کۆبوونەوە لەگەڵ لاڤرۆڤ لەگەڵ سێرگۆ شۆیگو وەزیرى بەرگریى ڕووسیاش کۆدەبێتەوە و لەو کۆبوونەوەیەشدا باسى بارودۆخى سووریا و ناوەرۆکى دانیشتنى جنێڤ بۆ چارەسەرکردنى کێشەى سووریا دەکات.
هەر ئەمڕۆ لەبارەى قەیرانى سوریاوە هەر یەک لە ئەردۆغان سەرۆکى تورکیا و ڕۆحانى سەرۆک کۆمارى ئێران سەردانى ڕووسیایان کردووە و لەگەڵ ڤلادمیر سەرۆکى ڕووسیا كۆبوونه‌وه.
کۆمێنت (0)
تا ئێستا هیچ کۆمێنتێک نەکراوە.