دواى نزیكه‌ى سێ ساڵ حه‌فتاو سێ كه‌سى دیكه‌ى له وونبوانى شنگال له گۆڕێكى به‌كۆمه‌ڵ ئاشكرا ده‌كرێن، به‌م گۆڕه‌وه ژماره‌ى سه‌رجه‌م گۆڕه‌كان ده‌بێته سی و نۆ گۆرى به‌كۆمه‌ڵ.
ئه‌مڕ ۆ له‌نوێترین گه‌ڕانى و به‌دواداچوون بۆ ونبوان و قوربانییه‌كانى كوردانى ئێزیدى به‌ده‌ستى داعش ،گۆڕێكى دیكه‌ى به‌كۆمه‌ڵ له نزیك گوندى ره‌موس له دوورى پێنج كیلۆمه ترى باشورى شنگال دۆزرایه‌وه.
مه‌حما خه‌لیل قایمقامى شنگال له‌وباریه‌وه به ده‌زگاى سه‌ته‌لایتى كوردستانى راگه‌یاند: ئه‌مرۆ خه‌ڵكى ناوچه‌كه گۆرێكى دیكه‌ى به‌كۆمه‌ڵیان له گوندى ره‌موس كه ده‌كه‌وێته باشورى شنگال دۆزیوه‌ته‌وه كه سه‌رجه‌میان كوردى ئێزیدین
جه‌ختیشى له‌وه‌كرده‌وه دیكۆمێنت و به‌ڵگه له‌گه‌ڵ قوربانییه‌كان دۆزراوه‌ته‌وه ده‌ریخستوه كه قوربانییه‌كان سه‌رجه‌میان كوردى ئێزیدین، له ژن و منداڵ و پیاو پێكهاتوون له ته‌مه‌نى جیاجیا وه 6 منداڵیان له خوار حه‌فت ساڵی دان و بیست و سێ ژن و سێزده پیاو و به‌شێكیشیان ناسنامه‌و ره‌گه‌زیان نادیاره‌و به‌هۆى نه‌بوونى هیچ ئاماژه‌یه‌ك و نه‌بوونى دیكیۆمێنتى پێویست .
خه‌لیل گوتیشى: به‌و گۆڕه‌وه ژماره‌ى گۆڕكان ده‌بێته سی و نۆ گۆڕى به‌كۆمه‌ڵ كه تا ئێستا له شوێنه‌كان ماونه‌ته‌وه ده‌رنه‌هێندراون هیچ لایه‌نێكى عێراقى و كوردستانى هه‌وڵى ئه‌وه‌یان نه‌داوه گۆڕستانێكى تایبه‌ت به‌قوربانیانى كوردى ئێزیدى ده‌ستى داعش دروست بكه‌ن، وه تا ئێستاش به‌سه‌دان كه‌س له كچ و ژن و پیاو و منداڵانى كوردى ئێزدى به ونبویى ماونه‌ته‌وه كه‌س هه‌واڵیان نازانێت.
کۆمێنت (0)
تا ئێستا هیچ کۆمێنتێک نەکراوە.