ئه‌مرۆ هه‌ینی له میسر هێرش كرایه سه‌ر مزگه‌وتێك له پارێزگای باكووری سینا ژماره‌ی قوربانیانی ئه‌و هێرشه‌ی گروپه ئیسلامیه توندڕه‌وه‌ی كه كردیه سه‌ر مزگه‌وته‌كه بۆ 324 كه‌س به‌رز بووه‌وه .
له‌ناو قوربانیاندا 200 كه‌س كوژراون و 124ی دیكه‌ش بریندار بوونه، چاوه‌ڕێش ده‌كرێت له داهاتووشدا ئه‌و ژماره‌یه روو له‌زیادبوون بكات .
پێشتریش ئاژانسی فه‌رمی شه‌رقولئه‌وسه‌ت له میسری رایگه‌یاندبوو، له هێرشێكی توندڕه‌وه ئیسلامیه‌كاندا بۆ سه‌ر مزگه‌وتێك له پارێزگای باكووری سینا، كه لایه‌نگرانی هێزه ئه‌منیه‌كان نوێژیان لێ ده‌كرد، به‌ده‌یان كه‌س بوونه قوربانی .
هه‌روه‌ها ئاماژه‌ی به‌وه‌شكردبوو، وێڕای بوونی ژماره‌یه‌ك له سه‌رباز و پۆلیس، ژماره‌یه‌كی زۆری خه‌ڵكی سڤیلیش له‌ناو قوربانیاندا هه‌ن، كه ژماره‌یه‌كیان منداڵ و پیاوی به‌ساڵا چوون .
کۆمێنت (0)
تا ئێستا هیچ کۆمێنتێک نەکراوە.