به گوێره‌ی ئه‌و هه‌واڵه‌ی له رێگه‌ی هاوڵاتییانه‌وه به ده‌ست ماڵپه‌ڕی سه‌ته‌لایتی كوردستان گه‌یشتووه ماوه‌یه‌كی كه‌م به‌ر له ئێستا له رێگه‌ی نێوان كفری و كه‌لار بارهه‌ڵگرێك كه باری شووشه‌ی هه‌ڵگرتبوو، به هۆی خراپیی رێگه‌ی هاتووچووی نێوان ئه‌و دووشاره وه‌رگه‌ڕا و كه‌سێكیش له رووداوه‌كه‌دا بریندار بووه .
به‌گوێره‌ی هه‌واڵه‌كه ئه‌و رووداوه له نزیك ناحیه‌ی سه‌رقه‌ڵای نێوان كفری و كه‌لار روویداوه و ئۆتۆمبێله‌كه‌ش جۆری بارهه‌ڵگری دووته‌نییه و باره‌كه‌ی كه شووشه بووه، هه‌مووی شكاوه و خودی بارهه‌ڵگره‌كه‌ش زیانی پێگه‌یشتووه، ئه‌مه جیا له‌وه‌ی كه‌سێكیش بریندار بووه به هۆی رووداوه‌كه‌وه .
شایانی باسه كه خراپیی رێگه و بانه‌كانی ئه‌و ناوچه‌یه ساڵانه چه‌ندین رووداوه‌ی سووك و دڵته‌زێنی لێده‌كه‌وێته‌وه .
کۆمێنت (0)
تا ئێستا هیچ کۆمێنتێک نەکراوە.