ژماره‌یه‌کـ چه‌کدار له‌ که‌رکوک هه‌ڵده‌کوتنه‌ سه‌ر ماڵی هاووڵاتییه‌کی کورد

ژماره‌یه‌كـ چه‌كداری نه‌ناسراو له‌گه‌ڕه‌كی ره‌حیماوه‌ی شاری كه‌ركوك هه‌ڵده‌كوتنه‌ سه‌ر ماڵی هاووڵاتییه‌كی كوردو پاره‌یه‌كی زۆری لێده‌ستێنن.

سه‌رچاوه‌یه‌كی تایبه‌ت له‌ نێو شاری كه‌ركوك به‌ ده‌زگای سه‌ته‌لایتی كوردستانی راگه‌یاند: ژماره‌یه‌كـ چه‌كداری نه‌ناسراو له‌گه‌ڕه‌كی (ڕه‌حیماوا - ڕێگای سۆنه‌گۆلی)ـی شاری كه‌ركوكـ هه‌ڵیان كوتاوه‌ته‌ سه‌ر ماڵی هاوڵاتییه‌كی كورد به‌ناوی (نه‌عمان) كه‌ كاری دراو گۆڕینه‌وه‌ بووه‌ له‌سه‌ر بازاڕی ڕه‌حیماوه‌.

سه‌رچاوه‌كه‌ گوتیشی: چه‌كداره‌كان پاره‌یه‌كی زۆر له‌ماڵی هاووڵاتییه‌ كورده‌كه‌ ده‌به‌ن و به‌ره‌و شوێنێكی نادیار راده‌كه‌ن وچه‌كداره‌كانیش له‌ كاتی هه‌ڵكوتانه‌ سه‌ر ماڵه‌كه‌ به‌زمانی كوردی قسه‌یان كردووه‌.

داڕشتنه‌وه‌: رزگار