سه‌رۆكی پێشوتری یه‌مه‌ن رایده‌گه‌ێنێ، زه‌مه‌نی میلیشیاكان كۆتایی هات و له‌دوای ئه‌مڕۆوه چیتر له نێوان ده‌وڵه‌ت و ده‌وڵه‌تۆچكه‌دا ناژین.
عه‌لی عه‌بدوڵڵا ساڵح ، سه‌رۆكی پێشتووتری یه‌مه‌ن به رۆژنامه‌ی ره‌ئی كوه‌یتی راگه‌یاندووه: زه‌مه‌نی میلیشیاكان كۆتایی هات و له‌دوای ئه‌مڕۆوه چیتر له نێوان ده‌وڵه‌ت و ده‌وڵه‌تۆچكه‌دا ناژین.
عه‌لی عه‌بدوڵڵا ، داواشی له وڵاتانی دراوسێی یه‌مه‌ن كرد به‌شداری له هاوپه‌یمانییه‌تی عه‌ره‌بی بكه‌ن و لاپه‌ره‌یه‌كی نوێ بۆ نه‌هێشتنی میلیشیاكان هه‌ڵده‌نه‌وه.
گوتیشی: به‌رگه‌ی زۆرمان له‌به‌رامبه‌ر كرده‌وه‌كانی گرووپی ئه‌نساروڵڵا گرت، چونكه ئێمه رێگای لێكتێگه‌یشتنمان هه‌ڵبژارد، به‌ڵام ئێستا بژارده‌ی به‌رده‌ممان ئه‌وه‌یه پارێزگاری له ده‌وڵه‌ت و هاووڵاتیانی خۆمان بكه‌ین، چونكه مێژوو ره‌حم به‌كه‌س ناكات.
له یه‌كه‌م كاردانه‌وه‌ی ئێرانیش به‌رامبه‌ر رووداوه‌كانی یه‌مه‌ن، حوسێن ئه‌میرعه‌بدولهیان، راوێژكاری تایبه‌تی سه‌رۆكی په‌رله‌مانی ئێران بۆ كاروباری نێوده‌وڵه‌تی، وڵاتی سعودییه‌ی تاوانباركردو رایگه‌یاند:چاره‌نووسی یارییه نوێیه‌كه‌ی ریاز له سه‌نعا شكسته، چونكه گفتوگۆیه سیاسییه‌كان باشترین چاره‌سه‌ره بۆ كێشه‌كانی یه‌مه‌ن.
وه‌رگێڕانی: رزگار
کۆمێنت (0)
تا ئێستا هیچ کۆمێنتێک نەکراوە.