سەدەها چەكداری رێكخراوی تیرۆریستی داعش پێكهاتنێكیان لە گەڵ هێزەكانی سوریای دیموكرات كردووە كە لە رەققە رابكەن بەرەو توركیا و لەوێوە بەرەو ئەوروپا برۆن .
توركیاش هۆشداری دەداتە ئەنقەرە بەوەی داعش لە ئەوروپا دەست بە چالاكییە تیرۆریستییەكانیان دەكەنەوە .رۆژنامەی تایمزی بەریتانی بڵاویكردەوە كە سەدەها چەكداری داعش توانیویانە رەققە جێبهێڵن ، هەرچەند هێزەكانی سوریای دیموكرات ئەو هەواڵە رەتدەكەنەوە ، بەڵام لە راستیدا بەپێی گوتەی رۆژنامەكە ئەمە روویداوە.
حكومەتی توركیا و چەند گروپێكی سوری دەیەها چەكداری داعشیان دەستگیركردووە لە كاتی سنوور بەزاندن بەرەو توركیا . یەكێك لە دەستگیركراوان ئاماژە بەوە دەكات كە جێهێشتنی شاری رەققە زۆر ئاسان بوو ، روونیشیكردەوە ئەگەر هاتوو لە لایەن هێزەكانی سوریای دیموكرات دەستگیریش كرابای ئەوا بۆ ماوەیەكی كەم بوو دواتر ئازاد دەكرای . روونیشیكردەوە كە بەشێك لە چەكدارانی داعش ئەوانەی بیانیین بەرامبەر بە پێدانی 300 دۆلار ئاودیوی توركیا دەكران .
هۆكاری گەڕانەوەی چەكدرە بیانیەكانی داعش ، بوونی ناكۆكی بووە لە نێوان ئەوروپیەكان و عەرەب وسورییەكان ، كە ئەوروپییەكان بەباشی دەزانن كە را بكەن ، بەڵام سوریەكان و عەرەبەكان وا بەباشی دەزانن كە تا مردن بجەنگن . لە لایەن خۆیەوە بەریتانیا رایگەیاند كە ژمارەی ئەو هاوولاتییە بەریتانیانەی كە چارەنووسیان نادیارە 400 كەس دەبن ، هەروەها 500 لێكۆڵەرەوەش ئێستا خەریكی چاوەدێری 3 هەزار گومانلێكراون بەوەی دەستیان لە تیرۆر هەیە لە ناو بەریتانیا و 20 هەزار كەسیش جێگەی نیگەرانی دەسەڵاتدارانی بەریتانیان .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.