دوای ئه‌وه‌ی ئافره‌تێك له ناوچه‌ی شوان ده‌كوژرێـت، ته‌رمه‌كه‌ی له‌سه‌ر رێگایه‌ك فڕێ ده‌درێ و دوای دۆزینه‌وه‌شی ئاسه‌واری فیشه‌ك به جه‌سته‌یه‌وه دیار بووه.
سه‌رچاوه‌یه‌كی تایبه‌ت به ده‌زگای سه‌ته‌لایتی كوردستانی راگه‌یاند: نیوه‌ڕۆی ئه‌مڕۆ 7-12-2017 له ناوچه‌ی شوان له باكووری شاری كه‌ركوك ته‌رمی ئافره‌تێك به كوژراوی دۆزرایه‌وه.
سه‌رچاوه‌كه گوتیشی: ته‌رمی ئافره‌ته‌كه له‌سه‌ر رێگای ناوچه‌ی شوان دۆزراوه‌ته‌وه و ئاسه‌واری فیشه‌ك به جه‌سته‌یه‌وه دیار بووه.
دوای هه‌ڵگرتنه‌وه‌ی ته‌رمه‌كه ره‌وانه‌ی پزیشكی دادی كراوه‌و په‌ڕاوی لێكۆڵینه‌وه له‌و تاوانه كراوه‌ته‌وه‌و تا ئێستاش هۆكاری كوژرانی ئه‌و ئافره‌ته روون نه‌كراوه‌ته‌وه.
كوردستان تیڤی: رزگار
کۆمێنت (0)
تا ئێستا هیچ کۆمێنتێک نەکراوە.