ئاشكرایه ئه‌و دۆخه‌ی به‌سه‌ر شاری كه‌ركوك و شارۆچكه‌ی خورماتوو هاتووه پێویست به‌وه ده‌كات هه‌ر یه‌ك له ئێمه له شوێنی خۆمان هه‌ڵپه بكه‌ین بۆ داكۆكی و ئازادكردنی ئه‌و دوو شاره شیرینه‌ی كوردستان .
به تایبه‌ت شارۆچكه‌ی خورماتوو به ده‌ستی حه‌شدی شه‌عبی رووبه‌رووی جینۆسایدو رفاندن و سووتان ته‌قاندنه‌وه‌ی ماڵه‌كانیان بوون و ژماره‌یه‌كی زۆریشیان ئاواره‌ی شاره‌كان بوون.
بۆ به‌رگریكردن له‌م شارۆچكه‌یه و ده‌وروبه‌ری چه‌ند مه‌فره‌زه‌یه‌ك له خۆبه‌خشه‌كانی خورماتوو خۆیان رێكخستووه و ه‌وه‌ی پێیان بكرێت جه‌زره‌به له دوژمن ده‌ده‌ن .
بۆ پشتیوانیكردن له‌م مه‌فره‌زه خۆبه‌خشانه له ئێستادا هونه‌رمه‌ندی سروودبێژ "لالۆ ره‌نجده‌ر" كار بۆ سرودێكی نیشتیمانی و نه‌ته‌وه‌یی ده‌كات كه تایبه‌ته بۆ ئه‌و خۆبه‌خشه كوردانه .
لالۆ خۆی شیعری بۆ ئه‌و سرووده ئاماده‌كردووه و ئاوازێكی زۆر به حه‌ماسه‌تیشی بۆ داناوه و له ماوه‌یه‌كی زۆر نزیكدا كاره‌كانی ته‌واو ده‌بێت و بڵاویده‌كاته‌وه .
کۆمێنت (0)
تا ئێستا هیچ کۆمێنتێک نەکراوە.